____________________________________________________________
最近d生活都係似忙非忙咁，有工又唔願見!因為覺得自己唔o岩做。
但係其實自己又想去做d自己無做過ge野，人真係好鬼矛盾！
其實，我真係諗多左！我係應該乜都唔理，去努力搵番份工，
理得份工做d乜姐？後生仔係應該去闖下！乜都要試下！
「誰怕誰？」
我諗係自從知道父母身體都係有d問題開始，
我就少左以前果份乜都夠膽死ge勇氣！
再無勇氣去做自己想做ge野…
因為一切都o黎得突然…
____________________________________________________________
呢個世界有太多唔開心、唔公平ge事不斷咁發生緊…
更令我知道，人其實真係好微不足道！無論去做幾多野，
都係改變唔到人，改變唔到呢個世界…只可以掙扎求存！
就好似一個兄弟同我講咁，
「以前ge世界，只要有付出，就一定有回報；而家ge世界，
係你去付出，都未必有一D回報！」
我覺得佢講得好o岩！咁正好就係而家個世界ge趨勢…
「貧者愈貧，富者愈富」
可悲…
但係點樣可悲都好，人都係要繼續生存！無論係為左自己，
定係為左自己認為係重要ge人！都唔可以有一絲鬆懈！
就算點都好，人總要活得比從前快樂！
過去，無論錯或對都已經追唔番。
我只可以盡量開懷咁去面對現在、將來…
我話過，無我屋企人、我朋友，就唔會有我！
All of you save my life!!
無論今後發生d咩事，我都一定會樂觀咁去撐落去，唔再要人擔心！
____________________________________________________________
今日，有一個資深演員過左身…
大閆生 - 陳鴻烈
雖然我無追開「畢打自己人」，但係都唔會唔識佢…
食飯都仲睇緊呢套劇…
食完飯上網，就開現左原來佢去左！
又係一個突然…
OMG！佢o岩o岩都仲出現o係我眼前，
點知轉頭就去左…
人真係非常非常脆弱！如果到左呢一刻，仲有人係唔識得去珍惜
眼前人的話，我請果個人會好好咁學下。因為無人知下一個忽然
消失ge人會係邊個，真係番唔到轉頭！
一定要學識珍惜同埋知足…
最尾，都希望陳鴻烈先生安息…希望佢ge家人都節哀順變…
____________________________________________________________
Chui
